Como estamos a traballar a India, falamos dos elefantes como
un dos animais máis importantes na India. Simbolizan a forza e son empregados
como animais de transporte.
Aprendemos que, todos os anos, coa chegada da primavera,
realízase o Desfile de elefantes pintados, no que só participan as femias,
pintadas con moitos debuxos e adornadas con xoias e teas de moitas cores.
Recoñecemos o elefante como animal salvaxe e analizamos se o
tratamento que reciben na India é axeitado ou non.
Elaboramos a cara dun elefante que nos servirá para xogar con
el. Cada neno/a deberá sumar 2 puntos por cada aro encaixado na trompa do
elefante e restar 1 por cada erro.
No hay comentarios:
Publicar un comentario